Ֆիզուլու, Ջաբրայիլի եւ Հադրութի հատվածներում հայտնաբերվել է 35 հայ զինծառայողի աճյուն եւ մեկ քաղաքացիական անձի մարմին

Հետևե՛ք մեզ Telegram-ում:

Ֆիզուլու, Ջաբրայիլի եւ Հադրութի հատվածներում, որոնողական աշխատանքների ընթացքում հայտնաբերվել է եւս 35 հայ զինծառայողի աճյուն եւ մեկ քաղաքացիական անձի մարմին: Այս մասին NEWS.am-ի հետ զրույցում հայտնեց Արցախի արտակարգ իրավիճակների պետական ծառայության տեղեկատվության եւ հասարակայնության հետ կապերի բաժնի պետ Հունան Թադեւոսյանը՝ մանրամասնելով, որ քաղաքացիական անձը տարեց կին է, ում մարմինը հայտնաբերվել է Հադրութի շրջանի Վարդաշատ գյուղում:

«Որոնողական աշխատանքները այսօր՝ դեկտեմբերի 18-ին, շարունակվում են Ներքին Ճարտարի, Ֆիզուլու, Ջաբրայիլի եւ Քաշաթաղի շրջանի Իշխանաձորի հատվածներում: Որոնողական աշխատանքներին մասնակցում են անհետ կորածների հարազատներն ու մարտական գործողությունների տեղանքին ծանոթ կամավորները»,- տեղեկացրեց Թադեւոսյանը։

Նա հավելեց, որ մինչ օրս ընդհանուր առմամբ հայտնաբերվել է 969 զոհված զինծառայողի մարմին:

52000

Facebook Comments Box

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով